有呢個未影過既比賽添,唔知係點既呢,去睇吓先 🙂
原來係小朋友向的,個個都係人仔,睇怕比賽唔會好激烈,不過應該幾可愛既,可愛………….即係唔慌快囉.由於驚蝦碌行錯線,主持係會帶賽手步行一次路線先既,哎呀…..有啲好兒嬉既感覺@@
人仔冇我諗得咁多,行到差唔到終點已經鬥快跑,都唔知幾投入,一啲比賽壓力都冇.
大家留心唔好掛住玩喇,準備起步,由於係單輪停定平衡唔到,所以係有幾條柱俾賽手扶住的.
得單輪確實係比較慢,我估跑步會快過佢,但就好考平衡,哈哈,連架車都係粉紅色多,可愛搭夠.
男子組就比較快啲,當中帶頭既零舍大咗一個碼,實力都好明顯係高啲.
比賽失手係唔扣分既,只要唔阻到人,自已執翻起架車再行過就得,不過好意外,失手只係好小數.
賽道係用好多都幾高吓既綠色欄間開的,除咗幾個正面位,影場中間會遮咗個碌.
終於搵到個位可以影埋碌,玩吓慢快門,由於佢地好慢吓,所以pan唔到甚麼效果,好在都勉強見到兩架車,叫做知道係比賽緊,話咁快賽事就完晒,可以收工食午飯.
哈….未見過啲咁嘅比賽添….
哈哈,我都係第一次見 😛
單車我都唔識踩, 所以好佩服踩單輪車的小朋友。踩單輪車除了健身運動外, 更重要的是段練專注力。
係架,一個不留神失去平衡就會反車.
島兄, D人仔都好認真呀, 原來係這种單車, 好難拿平衡, 人仔好叻叻架啦。
最近可好, 忙嗎?
咁又係,最後有親子同樂,好多大人都跌到一扑一碌.最近都幾忙,公司又裝修,要暫時好多人迫埋一間細房.希望盡快搞掂.
EE~我見過有人在單輪車上玩雜技。
嗰啲人要經過好長時間訓練,觀眾切勿模彷 😛
當然啦,,,,好難的……
🙂
好可愛!
🙂
你影得佢地真係好可愛啊~~~~^^
搞到有啲唔似比賽 😛
你影完小朋友是否自己也多了一點童真呢?^^
哈哈,我一向都有啲童真架 😛
單輪車真係幾難踩,不果啲小朋友又踩得唔錯喎~~可愛.
我估只要訓練一吓應該都唔會太難.