單輪車賽攝影

有呢個未影過既比賽添,唔知係點既呢,去睇吓先 🙂

原來係小朋友向的,個個都係人仔,睇怕比賽唔會好激烈,不過應該幾可愛既,可愛………….即係唔慌快囉.由於驚蝦碌行錯線,主持係會帶賽手步行一次路線先既,哎呀…..有啲好兒嬉既感覺@@

人仔冇我諗得咁多,行到差唔到終點已經鬥快跑,都唔知幾投入,一啲比賽壓力都冇.

大家留心唔好掛住玩喇,準備起步,由於係單輪停定平衡唔到,所以係有幾條柱俾賽手扶住的.

得單輪確實係比較慢,我估跑步會快過佢,但就好考平衡,哈哈,連架車都係粉紅色多,可愛搭夠.

男子組就比較快啲,當中帶頭既零舍大咗一個碼,實力都好明顯係高啲.

比賽失手係唔扣分既,只要唔阻到人,自已執翻起架車再行過就得,不過好意外,失手只係好小數.

賽道係用好多都幾高吓既綠色欄間開的,除咗幾個正面位,影場中間會遮咗個碌.

終於搵到個位可以影埋碌,玩吓慢快門,由於佢地好慢吓,所以pan唔到甚麼效果,好在都勉強見到兩架車,叫做知道係比賽緊,話咁快賽事就完晒,可以收工食午飯.